Sjúkraskrár og önnur heilbrigðisgögn um einstaklinga eru opinber skjöl og ber að afhenda Þjóðskjalasafni til varðveislu hvort sem þau urðu til hjá opinberri stofnun eða einkarekinni stofu skv.lögum nr. 55/2009, um sjúkraskrár.  Í 11.mgr.laganna segir: „Sjúkraskrár skal varðveita í sjúkraskrárkerfi heilbrigðisstofnana og starfsstofa heilbrigðisstarfsmanna. Um skyldu til að afhenda sjúkraskrár til Þjóðskjalasafns Íslands, varðveislu þeirra og aðgang að þeim gilda ákvæði laga um Þjóðskjalasafn Íslands.“

Þegar læknir hættir störfum á einkarekinni stofu skal tryggja að sjúkraskrár hans verði afhentar á Þjóðskjalasafn.  Það er með öllu óheimilt að farga slíkum skjölum.  Fyrirspurnir vegna afhendingar sjúkraskráa má senda á skjalavarsla@skjalasafn.is.