Stofnun Þjóðskjalasafns Íslands miðast við auglýsingu Hilmars Finsen landshöfðingja sem var gefin út 3. apríl 1882 og birt í Stjórnartíðindum það ár. Þjóðskjalasafn minnist afmælisins með ýmsum hætti á afmælisárinu.

Dagskrá afmælishátíðar í Þjóðskjalasafni 3. apríl 2012

Afmælishátíðin fer fram í húskynnum Þjóðskjalasafns að Laugavegi 162 í Reykjavík þriðjudaginn 3. apríl 2012 kl 13:00-17:00.

• Eiríkur G. Guðmundsson settur þjóðskjalavörður flytur ávarp.
• Katrín Jakobsdóttir mennta- ogmenningarmálaráðherra flytur ávarp og opnar nýjan vef.
• Skjalaverðirnir Benedikt Eyþórsson, Gunnar Örn Hannesson, Helga Jóna Eiríksdóttir og Jón Torfason segja frá starfsemi Þjóðskjalasafns.
• Guðni Th. Jóhannesson forseti Sögufélags afhendir skjöl félagsins til varðveislu í Þjóðskjalasafni.
• Tónlistaratriði.
• Sýning á völdum skjölum frá 12. öld til 20. aldar.
• Léttar veitingar.

Viðburðir á afmælisári

Í tilefni af 130 ára afmæli Þjóðskjalasafns Íslands verður eftirfarandi gert á afmælisárinu:

1. Afmælisboð 3. apríl milli kl. 15 og 17 fyrir boðsgesti, starfsmenn og fjölmiðla.
2. Opið hús fyrir almenning. Nánar auglýst síðar.
3. Vefur um heimildir vegna rannsókna Þjóðlendumála opnaður.
4. Skjalasýning á lestrarsal í aprílmánuði er lýtur að sögu Þjóðskjalasafns.
5. Nýr kynningarbæklingur verður gefin út.
6. Ritið Preserving archives gefið út í íslenskri þýðingu.
7. Bók með úrvali greina eftir starfsmenn Þjóðskjalasafns og fleiri kemur út á árinu.
8. Á haustdögum verður haldið hálfsdags málþing um hlutverk, starfsemi og þjónustu Þjóðskjalasafns Íslands.
9. Prentuð verður sérstök útgáfa af bréfi Ögmundar biskups Pálssonar frá 1541, næst elsta pappírsskjals sem varðveitt er í Þjóðskjalasafni.

Efni fyrir fjölmiðla

Fréttatilkynning.

Myndir, hægrismellið á smámyndirnar til að sækja stærri eintök.