Þjóðskjalasafn Íslands fagnaði 130 ára afmæli sínu með afmælishátíð í gær. Forseti Íslands, herra Ólafur Ragnar Grímsson, og mennta- og menningarmálaráðherra, Katrín Jakobsdóttir, voru meðal gesta sem heiðruðu Þjóðskjalasafn með nærveru sinni.

Fjöldi annarra góðra gesta sá ástæðu til að líta inn og hlýða á ávörp, tónlistarflutning og njóta léttra veitinga. Settur þjóðskjalavörður og fjórir skjalaverðir safnsins kynntu sögu þess og starfsemi. Mennta- og menningarmálaráðherra opnaði nýjan vef um jarðaheimildir og forseti Sögufélags afhenti Þjóðskjalasafni skjalasafn félagsins til varðveislu. Þjóðskjalasafn þakkar gestunum öllum fyrir komuna og horfir björtum augum fram á veginn á afmælisárinu.

Hér að neðan eru nokkrar svipmyndir frá afmælishátíðinni.